Kreu i Komunës së Prizrenit, Mytaher Haskuka, është krenuar me renditjen e dokumentacionit në ambientet e këtij institucioni.
Në profilin e tij në Facebook, Haskuka ka postuar një fotografi të ndarë në dysh, e ka thënë se ato shpërfaqjen në njërën anë gjendjen e arkivës së Komunës së Prizrenit gjatë pushtetit të PDK-së dhe në anën tjetër atë të Lëvizjes Vetëvendosje.
“Dy foto, si ishte arkiva e Komunës së Prizrenit kur e la PDK-ja pushtetin, viti 2018. Si është arkiva tani në vitin 2019. Ka shumë punë për tu bërë, ngase na kanë lanë katrahurë, por ne do të vazhdojmë përkundër bllokadës që organet qendrore i bëjnë Komunës së Prizrenit”, ka thënë Haskuka.