Javën e fundit të fushatës zgjedhore, kandidati për kryetar të Prizrenit, nga Lëvizja Vetëvendosje!, Mytaher Haskuka, e ka intensifikuar me takimet e tij me organizata dhe shoqëri të ndryshme në Komunën e Prizrenit. Kështu, gjatë ditës së djeshme ka takuar përfaqësuesit e Rrjetit të Organizatave Kulturore (RrOK) në Prizren.
Në takim me Rrjetin e Organizatave Kulturore (RrOK) Mytaher Haskuka paraqiti 43 pikat e qeverisjes së tij, si dhe masat specifike për trashëgiminë kulturore në Prizren.
Gjatë këtij takimi, kandidati për kryetar të Prizrenit, Mytaher Haskuka, qartësoi të gjithë përfaqësuesit e këtyre organizatave se gjatë qeverisjes së tij, të gjitha vendimet për kulturë do të ndërmerren në bashkëpunim me ta.