Nuk është vetëm Vjosa Osmani, Haxhi Avdyli, Ardian Shala e Marigona Geci që në mbledhje të Grupit Parlemnater të LDK-së, po e kundërshtojnë procedimin e mocionit për rrëzimin e Qeverisë Kurti.
Gazeta Blic nga burime të saja merr vesh se edhe deputetja Saranda Musliu ka kundërshtuar procedimin e mocionit.
“Aktualisht janë 5 deputetë që po e kundërshtojnë mocionin”, tha ky burim i gazeta Blic.
Gazeta Blic duke u thirrur në burime brenda mbledhjes së Grupit Parlamentar të LDK-së më herët raportoi janë katër deputetë që po e kundërshtojnë procedimin e mocionit të votëbesimit ndaj Qeverisë Kurti.
Sipas burimeve të Gazeta Blic, kundërshtimin më të fuqishëm po e bënë kryetarja e Kuvendit, Vjosa Osmani, e cila i ka bërë thirrje deputetëve të LDK-së që të mos e procedojnë këtë mocion.
“Vjosa Osmani e ka kundërshtuar fuqishëm procedimin e mocionit”, tha ky burim i Gazeta Blic.
Pos Osmanit, siç merr vesh Gazeta Blic në mbledhje kundër mocionit ka qenë edhe deputeti nga Prizreni, Haxhi Avdyli, deputeti nga Suhareka, Ardian Shala dhe deputetja Marigona Geci, qika e Gani Gecit.
“Deri tani këta katër deputetë po e kundërshtojnë mocionin”, tha ky burim i Gazeta Blic.
Ndryshe, Gazeta Blic para pak orësh raporti se ka thyerje në LDK, në lidhje me procedimin e mocionit për rrëzimin e Qeverisë Kurti.