Kryetari i LDK-së, në Prizren Haxhi Avdyli ka reaguar pas dënimit të Nexhat Çoçajt nga ana e Gjykatës Themelore në Prizren, për shkak të keqpërdorimit të fondeve për ditët e dëshmorëve.
Në një shënim në Facebook, Avdyli ka ironizuar me Çoçajn duke kërkuar nga ai që të mos jap dorëheqje në asnjë mënyrë, raporton Gazeta Blic.
Shënimi i plotë:
Derisa Ferit Agani , vetëm me fillimin e hetimit për shpërdorim detyre, jep dorëheqje, në Prizren duhet të që drejtorët të dërgohen në burg, për tu larguar nga pozita. E thënë me ironi sarkastike : Mos gaboni me dhënë dorëheqje . Sepse ju jeni patriota , dhe nese vidhni , për Prizrenin Evropian po e bëni .
Pse të mos punoni edhe nga burgu , të udhëheqni me arsimin Prizrenas. Këtë model të Pdk-së të udhëheqjes nga burgu e kemi në Skenderaj. Sami Lushtaku kur mundet të gjitha punët e komunës ti kryej nga burgu, çka ka Nexhati që smundet. Ka vite që edhe komuna e Prizrenit udhëheqet nga kryetari i dënuar me vendim gjykate.
Gjykatat ua kanë marrë inati qe spo ju lënë me vjedh , sepse votat i keni marrë të beni çka të doni me paratë e taksapaguesve. Ndoshta do vij edhe momenti kur edhe mbledhjet e qeverisë komunale , do duhet ti mbani në ndonjë ambient burgu.
Çdo gjë pres nga ju , vetëm dorèheqje spres.
E pyes veten pse duhet kaq shumë këta njerëz i frigohen aktit moral të dorëheqjes, dhe pèrgjigja është që ata që do kishin frikë e moral edhe nuk do kishin fytyrë që në emër të dëshmorëve të përvetësonin paranë publike. Uji edhe në shkretirë gjendet ndonjëherë por jo edhe morali te disa njer?z që mjelin popullin në emër të votës së tyre.