Drejtori për Siguri dhe Emergjenca ne Komunën e Prizrenit, Faruk Dakaj, njoftoi se fshati Korishë tashmë u lirua nga karantina.
“Pas 14 ditësh në karantinë dhe pasi që nuk kishte asnjë rast tjetër pozitiv në fshat me Covid -19, Ministria e Shëndetësisë mori vendim që kjo masë të hiqet sot”.
“Disiplina e treguar nga banorët e fshatit bëri që virusi Covid -19 të mos mundet t’i ngulë rrënjët dhe të përhapet më tej. Bashkëfshatarëve të mi u shprehi respekt për bashkëpunim, mirëkuptim dhe koordinim të plotë me institucionet komunale dhe Policinë e Kosovës në zbatimin e kësaj mase ndryshe nga të zakonshmet. Tanimë jemi një hap para në parandalimin e shpërndarjes së virusit, por duhet kujdes, shumë KUJDES!”, shkroi ai në Facebook.