22.8 C
Prizren
E diel, 4 Qershor, 2023

Hollande: Takimi me Fidel Castron një moment historik

President francez, François Hollande vlerësoi dje interesin e Francës dhe Bashkimit Evropian për Kubën gjatë një vizite të pazakontë për një president francez, shënuar nga takime të gjata me vëllezërit Castro.

François Hollande, presidenti i parë francez që zhvilloi një vizitë zyrtare në Kubë, takoi dje babain e revolucionit kubanez, Fidel Castro, me të cilin presidenti francez u shpreh se kishte përjetuar një moment historik.

Takimi, i zhvilluar me dyer të mbyllura në shtëpinë e ish-presidentit 88-vjeçar tërhequr nga pushteti që prej vitit 2006, u mbajt i fshehtë deri në momentin e fundit.

Presidenti i parë perëndimor që shkon në Kubë që prej njoftimit për përmirësimin e marrëdhënieve mes ishullit dhe SHBA-së, Hollande u shpreh menjëherë para komunitetit francez se e kishte dëshiruar prej kohësh këtë moment historik.

“Kisha përballë një njeri që ka bërë histori. Ka pasur debate të mëdha mbi atë që mund të jetë vendi i tij, përgjegjësitë e tij, por duke ardhur në Kubë kisha shumë dëshirë të takoja Fidel Castron”, theksoi ai duke shtuar se Lideri Maximo kishte folur shumë.

Gjatë një fjalimi në Universitetin e Havanës, ai foli për heqjen e embargos ekonomike amerikane, që sipas tij ka penguar zhvillimin e ishullit komunist që prej vitit 1962.

Presidenti socialist theksoi se kishte takuar babain e Revolucionit kubanez, Fidel Castro, privilegj i rrallë për një president perëndimor. Takimi zgjati rreth 50 minuta, sipas Elyse-së. /AFP/

Më Shumë

Lëndohet në vendin e punës një punëtor në Rahovec

Policia e Kosovës njofton se një person ka mbetur i lënduar në vendin e punës të shtunën në Rahovec, si pasojë e rënies nga...

Vetaksident në Rahovec, lëndohet ngasësi i automjetit

Një vetaksident ka ndodhur në rrugën “Shkodrani” në Rahovec, ku është lënduar ngasësi i automjetit. Këtë për Klankosova.tv e konfimuar edhe zëdhënësi i policisë për...

Parashikimi i motit

Lajmet e Fundit