Shteti i Kosovës e ka dënuar në emër të popullit një grua me 12 vjet burgim për vjedhje të 1.4 milionë eurove. Natali Velijaj është gruaja e parë që merr një dënim të tillë për vepra që lidhen me keqpërdorime fondesh.
Nëntë vjet para kësaj vjedhjeje ajo kishte vendosur të vinte në Kosovë për të jetuar.
Identifikohej si humaniste me fondacionin “Dielli i Kosovës”, duke ndihmuar pacientë e duke investuar në spitale e shkolla.
Tash ajo nuk njihet më si e tillë, sepse edhe me këtë OJQ akuzohet se ka keqpërdorur fonde.
“Qysh mi piu sorra mendtë e u bashkova me këta hajna”, kishte thënë Natali Velijaj natën e parë në qendrën e paraburgimit.
Ky pendim me këtë shprehje popullore e kishte çuditur njërin prej gardianëve, i cili e dinte për gjermane të dyshuarën.
“Meta tu e këqyr seri kur e dëgjova t’u thanë kështu”, ka treguar ai në kushte anonimiteti. /Koha Ditore/