Një armëpushim i përditshëm humanitar, i njoftuar nga Rusia, ka hyrë sot në fuqi në zonën e Gutës Lindore, pranë Damaskut, që kontrollohet nga rebelët e opozitës siriane, pas një valë sulmesh ajrore të qëndrueshme dhe bombardimeve brenda natës, sipas një vëzhguesi.
“Armëpushimi humanitar ka hyrë në fuqi dhe tani pritet të ketë qetësi në të gjitha zonat e Gutas Lindore”, deklaroi Rahman Abdel Rahman, shefi i Observatorit Sirian, me seli në Britaninë e Madhe, transmeton ATSH raportimin e DPA-së.
“Veprimet ushtarake ndaluan në orën 09:00 dhe do të zgjasin deri në orën 14:00 (07:00 deri në 12:00 GMT) çdo ditë”, sipas Ministrisë ruse të Mbrojtjes.
Një korridor humanitar do të krijohet për të lejuar civilët që të largohen nga zona.