Këngëtari i njohur Ilir Shaqiri sot ka promovuar librin e tij të parë “Tan Temali” nën organizim të Institutit të Librit dhe promocionit, Universitetit të Evropës Juglindore në Tetovë dhe shtëpisë Botuese Toena.
Me këtë rast autori I Librit para shumë profesorëve dhe studentëve u shpreh se gjithmonë ka kënduar duke gjetur këngën dhe fjalën e bukur dhe këtë e kam gjetur te shkrimtarët tanë, ndërsa fjala e bukur më ka përcjellë dhe unë kam vrapuar pas saj, theksoi ai.
Rexhep Qosja në parathënie të librit ka shkruar se romani I Ilir Shaqirit Tan Temali është në roman për ngjarje historike dhe kulturore që kanë shënuar jetën e brezit tonë: jetën e brezit që e krijoi lëvizjen kombëtare e cila, më në fund, solli atë që aq gjatë është ëndërruar prej gjithë brezave shqiptarë: solli lirinë dhe pavarësinë e Kosovës, raporton Televizioni Koha.