Këngëtari i njohur Ilir Shaqiri është tronditur nga vdekja e poetit Adem Gashi, të cilin e ka quajtur “gjeneral poeti”.
Ai ka treguar se kënga e njohur e tij “Serish vjen marsi” mban vulën e poetit.
Shaqiri ka bërë me dije se Gashi ka shkruar edhe qindra këngë për dëshmorët e atdheut.
“I trishtueshëm ky mëngjes janari. U nda nga jeta gjeneral poeti Adem Gashi, autori i shumë librave me poezi e prozë, drejtori i Programit Satelitor në RTSh gjatë kohës së luftës çlirimtare në Kosovë, fuqidhënësi më madhor i këngës atdhetare në kohën e sotme. “Serish vjen marsi” dhe qindra këngë për dëshmorët e atdheut mbajnë vulën e tij të përjetëshme. Lamtumirë, mik i shtrenjtë!”, ka shkruar Shaqiri në profilin e tij në “Facebook”.
Poeti dhe shkrimtari Adem Gashi ka vdekur sot në moshën 70-vjeçare.
Lajmin për vdekjen e tij e ka konfirmuar e djali i tij, Dradani.
Në profilin e tij në “Facebook”, ai ka shkruar se varrimi i shkrimtarit bëhet sot në varrezat e fshatit Nekoc të Komunës së Drenasit.
“Të Allahut jemi dhe tek Ai do te kthehemi. Sot në mëngjes, baba ynë Adem Gashi ndërroi jetë. Varrimi i Ademit bëhet sot (e Martë) në ora 15:00 në fshatin Nekoc\ Drenas”, ka shkruar ai.