Drejtoria e Inspektorateve në Prizren nëpërmjet sektorit të sanitarisë gjatë kontrollit te një operator ekonomik ka hasur mall me afat të skaduar dhe të pa deklaruar.
Në njoftimin e Komunës thuhet se vlera e mallit është 1,825.9 euro dhe po i njëjti është asgjësuar, ndërsa ndaj operatorit ekonomik janë iniciuar procedurat në Gjykatën Themelore Kundërvajtje, sipas Ligjit për Ushqim nr.03/L-16.
“Të gjithë operatorët ekonomikë janë të obliguar që të respektojnë procedurën e deklarimit të mallit me afat të skaduar, të largojnë nga shitja të veçohet në hapësirë si dhe të etiketohet si mall me afat të skaduar”, thuhet në njoftim, transmeton PrizrenPress.
Rasti i dytë është denoncimi i një qytetari për blerje të bukës së mykur në një Qendër Tregtare në Prizren.
“Pas inspektimit nga inspektorët komunalë të Bujqësisë është gjetur pjesa tjetër po ashtu e mykur. Malli është asgjësuar dhe ndaj operatorit përsëri janë iniciuar procedura në Gjykatën Themelore Kundërvajtje, sipas Ligjit për Ushqim nr.03/L-16.
Operatorët janë të obliguar që të kontrollojnë me kujdes të shtuar mallin e tyre në rafte dhe në depo”, thuhet në njoftim./PrizrenPress.com/
