Partnerët e koalicionit PDK-AAK-Nisma kanë shprehur përkushtimin e tyre që në afat rekord do ta formojnë qeverinë. Lideri i Partisë Demokratike të Kosovës (PDK), Kadri Veseli, ka bërë me dije të premten, se koalicioni PAN institucionet e reja do t’i formojë në fillim të muajit korrik.
Edhe kryetari i AAK-së, njëherësh kandidat për kryeministër i koalicionit PAN, Ramush Haradinaj, është zotuar se menjëherë pas certifikimit të rezultatit të zgjedhjeve Kosova do ta ketë qeverinë e re. Ndërsa njohësit e proceseve politike kanë thënë se me zvarritjen e formimit të qeverisë së re do të dëmtohen më së shumti qytetarët. /Epoka e re/