19.8 C
Prizren
E premte, 12 Shtator, 2025

Inzaghi do të jetë trajner i Interit edhe sezonin e ardhshëm

Drejtori ekzekutiv i Interit, Beppe Marotta, i ka dhënë mbështetjen e tij të plotë Simone Inzaghit.

Ai ka thënë se Inzaghi do të jetë 100% në krye të skuadrës edhe për sezonin e ardhshëm.

Më herët gjatë sezonit, kishte pasur zëra të fortë se trajneri italian do të largohej në fund të sezonit 2022/23, pas një ecurie zhgënjyese në Serie A.

Megjithatë, në muajt e fundit, Inzaghi ka kthyer rezultatet pozitive, duke i ngritur “Nerazzurrët” përsëri në katër pozitat e para në tabelën e Serie A.

Ai gjithashtu udhëhoqi skuadrën drejt kualifikimit për në finale të Ligës së Kampionëve, si dhe në finalen e Kupës së Italisë.

Kaq mbresëlënës ka qenë kthesa e sezonit të Interit, saqë hierarkia e klubit ka ndryshuar plotësisht qëndrimin e tyre për të ardhmen e trajnerit të tyre, edhe pse Marotta pretendon se nuk kishte pasur kurrë asnjë dyshim mbi aftësitë e 47-vjeçarit.

Duke folur për “Rai Italia”, Marotta i dha Inzaghit mbështetjen e tij të plotë, duke këmbëngulur: “Këtë vit nuk kemi menduar kurrë, as për një sekondë, të zëvendësojmë Inzaghin”.

“Ai arriti të forcojë pozicionin e tij falë paraqitjeve të ekipit që janë rezultat i drejtimit të tij teknik. Shanset që Inzaghi të qëndrojë, e shprehur në përqindje, janë 100%. Ai është dhe do të jetë trajneri ynë sërish vitin e ardhshëm”, ka deklaruar Marotta.

Simone Inzaghi me Interin ka kontratë të vlefshme deri në verën e vitit të ardhshëm.

Më Shumë

Gashi: Shaqir Totaj do të rizgjedhet kryetar i Prizrenit

Shefi i shtabit zgjedhor të PDK-së në Prizren, Kujtim Gashi, nuk ka pikë dyshimi se në zgjedhjet lokale të 12 tetorit, kandidati i PDK-së...

Rruga që lidhë fshatrat e Prizrenit me Mamushën, sfidë për banorët

Vetëm disa metra rrugë që lidhin disa fshatra të Prizrenit me Komunën e Mamushës sfidojnë banorët e dy anëve për një komunikim më të...

Lajmet e Fundit