Bojan Bozhoviq, ish agjenti serb i AKI-së, thotë se i është pranuar kërkesa për të qenë anëtar i Lidhjes Demokratike të Kosovës.
Këtë e ka bërë me dije vet Bozhoviq, në profilin e tij në Facebook në një postim në gjuhën shqipe.
“Të dashur miq, me kënaqësi dua të ju informoj se kërkesës sime për anëtarësim në Lidhjen Demokratike të Kosovës, i është dhënë përgjigje pozitive. Si anëtar i LDK-së do të punoj në interes të të gjithë qytetarëve të Kosovës. Me përvojën time do të bëjë gjithçka që të ndihmojë njerëzit të cilët e duan dhe respektojnë Kosovën por po ashtu do t’i kundërshtoj ata të cilët në çfarëdo forme dëshirojnë ta rrezikojnë Kosovën dhe qytetarët e Kosovës”, ka shkruar Bozhoviq, teksa ka treguar edhe për qëllimin e tij.
“Qëllimi im i është që të forcohet besimi ndërmjet popujve të cilët jetojnë në Kosovë dhe nëse edhe fqinjët tanë dëshirojnë do forcojmë marrëdhëniet e fqinjësisë së mirë me të gjitha shtete në rajon. Ju faleminderit për përkrahje dhe ju dëshiroj të gjitha të mirat. Kosova si një shtet modern dhe anëtar i BE-së”, ka thënë ai. /Koha.net/