Reprezentuesi senegalez, Keita Balde është pezulluar deri më 5 dhjetor për shkelje të protokollit antidoping në Itali, njoftoi klubi i tij aktual Spartak Moska.
“Lojtari u ndalua nga gjykata kombëtare italiane antidoping deri më 5 dhjetor për shkelje procedurale gjatë një kontrolli dopingu teksa luante te Cagliari”, tha Spartak në një deklaratë.
Klubi rus nuk dha detaje mbi natyrën e kësaj “shkeljeje”, megjithëse deklaroi se asnjë substancë e paligjshme nuk u zbulua në mostrën e testuar atë ditë.
Sipas Spartak, 27-vjeçari nuk do të jetë në gjendje të rikthehet në stërvitje deri në 22 ditë para përfundimit të dënimit, sipas rregulloreve të FIFA-s.
Balde (dikur i lojtar Lazio, Inter dhe Monaco), luajti te Cagliari sezonin e kaluar në Serie A përpara se të bashkohej me Spartak Moskën.
Pezullimi i Balde, fitues i Kupës së Afrikës me Senegalin shkurtin e kaluar, rrezikon seriozisht shanset e tij për të marrë pjesë në Kupën e Botës në Katar, e cila do të përfundojë më 18 dhjetor.
/Albanianpost.com