13.8 C
Prizren
E shtunë, 1 Tetor, 2022

Federata Franceze e Futbollit “dorëzohet” para Kylian Mbappe

Federata Franceze e Futbollit (FFF) bën një hap prapa në rastin e Kylian Mbappe dhe të drejtave të imazhit. Një polemikë që shpërtheu në marsin e kaluar.

Sulmuesi i Paris Saint Germain kërcënoi se nuk do të paraqitej në sesionin fotografik të kombëtares transalpine pa vendosur një shpërblim të konsideruar të përshtatshëm.

Siç thekson “Gazzetta dello Sport”, lojtari i PSG-së kundërshtoi marrëveshjet që e detyrojnë të promovojë sponsorët e ekipit kombëtar.

Në pranverë, Mbappe kishte humbur një ditë promovimi të kompanive të lidhura me kombëtaren, të cilat paguajnë 25 mijë euro për lojtar.

Mbappe refuzoi të reklamonte një kompani e cila shiste ushqime dhe pije jo të shëndetëshme për fëmijët.

“Futbolli ka ndryshuar, duket e drejtë të di se me çfarë lidhet emri im. Mendoj se është e drejta ime ta menaxhoj karrierën sipas vlerave që unë mbështes, edhe nëse nuk kam ndërmend të revolucionarizoj futbollin”, tha asokohe Mbappe.

Që nga qershori, avokati i Mbappe ka qenë duke negociuar për të rregulluar marrëveshjen për të drejtat e imazhit. Por presidenti i FFF, Noel Le Graet njoftoi së fundmi se do të diskutohej konkretisht vetëm pas Kupës së Botës.

Ndaj së fundmi ka ardhur kërcënimi i lojtarit për të mos qenë pjesë e setit fotografik të kombëtares së tij dhe rrjedhimisht federata lëshoi pe, duke i dhënë të drejtë yllit të PSG-së.

 

Më Shumë

Australiania tronditet pasi qëndroi 20 minuta në guaskën e tualetit dhe nuk kishte vërejtur merimangën e fshehur

Një modele australiane ka ndarë ‘tmerrin’ e saj kur gjeti një merimangë të madhe gjuetare të fshehur nën ndenjësen e saj të tualetit, pasi...

Rusia nuk do të konkurrojë me asnjë fillm për në Oscars

Rusia nuk do të dorëzojë ndonjë film për të konkurruar në Oscars këtë vit, ka njoftuar Akademia Ruse e Filmit. Në një deklaratë, akademia nuk...

Lajmet e Fundit