3.8 C
Prizren
E martë, 27 Shkurt, 2024

Italianët që këndojnë këngët shqiptare

italianet-kendojneSapo ka dalë në treg albumi i parë i grupit ‘Spartiti per Scutari’ me titullin “Këtu është gjithnjë pranverë” që përmban 14 këngë, një pjesë janë përpunim i këngëve popullore shqiptare e një pjesë janë këngë të panjohura.

Orkestra e drejtuar nga Bardh Jakova, djali i Cesk Jakoves dhe nip i Prenke Jakoves, përbehet nga rreth njëzet instrumentiste, shumica italiane. E veçanta është se ata këndojnë dhe interpretojnë këngë shqiptare, që nga “Mora mandolinen” e “Dy zymbyla”, apo vallet dibrane e sarandiote. Me këmbëngulje kanë studiuar pjesë të muzikës popullore shqiptare dhe kanë arritur të mësojnë shqiptimin e sakte të këngëve.

Pasioni i tyre nuk është flakë kashte, ka vite që ata marrin pjesë në festivale dhe aktivitete të ndryshme në të gjithë vendin. Sjellin për publikun italian muzikë nga të gjitha trevat shqiptare, instrumente tipike si lodra apo fyelli, melodi dasme apo këngë dashurie. Pjesët janë aranzhuar nga Bardh Jakova i cili i është përkushtuar këtij projekti duke mbledhur rreth vetës këtë grup të rinjsh, përçues të traditës shqiptare edhe pse kanë lindur e janë rritur në zona të ndryshme të Italisë./ TCh/

Më Shumë

Liria reagon pas humbjes, akuzon rëndë gjyqtarin e ndeshjes

Klubi i Lirisë ka reaguar pas humbjes së sotme ndaj Dukagjinit në Klinë, me rezultatin 2:1. Prizrenasit pretendojnë se sot iu vodh një pikë ndaj...

Sot varroset ish-kryetari i Rahovecit, Qazim Qeska

Komuna e Rahovecit ka njoftuar se sot do të varroset ish-kryetari Qazim Qeska. Në faqen zyrtare në Facebook, komuna ka bërë të ditur se në...

Lajmet e Fundit