20.8 C
Prizren
E hënë, 15 Gusht, 2022

Jahjaga e dekoroi James Rubin me Medaljen Presidenciale të Meritave

Jahjaga-JamesRubinPresidentja e Republikës së Kosovës, Atifete Jahjaga, priti sot në takim ish-ndihmës sekretarin e Shtetit të SHBA-së për marrëdhënie me publikun, James Rubin.

Jahjaga e falënderoi Rubin për angazhim dhe kontributin e tij të jashtëzakonshëm për Kosovën gjatë periudhës së luftës që ndihmoi në vendosjen e paqes dhe lirisë dhe të zhvillimit të vendit për të gjithë qytetarët e tij, si dhe pas luftës në ndërtimin e shtetit të Kosovës dhe konsolidimin ndërkombëtar të tij.

Jahjaga tha se ndihma e SHBA-së për Kosovën është jetike dhe mbështetja për proceset demokratike jo vetëm në Kosovë por edhe për gjithë rajonin e Evropës Juglindore është e nevojshme, sepse garanton paqen dhe stabilitetin.

Presidentja Jahjaga në nderim për kontributin, veprimtarinë dhe angazhimin në afirmimin e çështjes së Kosovës, e dekoroi James Rubin me Medaljen Presidenciale të Meritave.

Ish-ndihmës sekretari i shtetit i SHBA-së, James Rubin, e falënderoi Presidenten për mikëpritjen dhe për medaljen e dhënë. Ai tha se Kosova ka shënuar një përparim të madh ndër vite dhe ajo po tregohet si një rrëfim i suksesit të përbashkët. /PrizrenPress.com/

Më Shumë

Totaj: Për shkak të Hekuran Muratit, komunat po rrezikohen të mbesin pa buxhet

Bordi i Asociacionit të Komunave të Kosovës ka kërkuar urgjentisht nga Ministri i Ministrisë së Financave dhe Tranfereve që të lëshoj Qarkoren e dytë...

Dënohen me 900 euro gjobë tre të akuzuarit që rrahën gjyqtarin gjatë ndeshjes së futbollit në Prizren

Tre të akuzuarit J.V., N.K. dhe G.H., janë dënuar secili me nga 300 euro gjobë, pasi kanë pranuar se në nëntor të 2019-ës, në...

Lajmet e Fundit