Ka shkuar në 41 numri i viktimave dhe 15o0 numri i të plagosurve nga dy tërmete të fuqishme që goditën brenda dy ditësh jugperëndimin e Japonisë.
Mijëra trupa ushtarake dhe të shërbime të shpëtimit kanë punuar për të shpëtuar banorët e bllokuar përpara përkeqësimit të motit.
Ende nuk është plotësisht e qartë shifra e viktimave si pasojë e tërmeteve, raporton agjencia e lajmeve, Associated Press.
Sipas autoriteteve vendore, numri i viktimave është duke u rritur, me të paktën 10 të vrarë nga tërmeti i së premtes në rajonin Kumamoto dhe 10 të tjerë nga tërmeti i sotëm në ishullin Kyushu.
Raportohet se 1,500 njerëz kanë mbetur të lënduar, prej tyre 80 në gjendje të rëndë. Gjithashtu raportohet se 70 mijë njerëz kanë ikur nga shtëpitë e tyre.
Kryeministri i Japonisë, Shinzo Abe ka shprehur shqetësimin e tij lidhur me një katastrofë tjetër, pasi parashikimet e motit thonë se do të ketë erëra dhe shira të fuqishme gjatë ditës.