Futbollisti Jasmin Raboshta ka nënshkruar kontratën për sezonin e ardhshëm me “Lirinë” e Prizrenit.
“Raboshta, një sulmues me përvojë të madhe si në ligën shqiptare, të Kosovës, ashtu edhe të Turqisë, pritet të sjellë një kontribut të rëndësishëm në qendrën e sulmit të ekipit”, thuhet në njoftim.
“Gjatë karrierës së tij të gjatë, ai ka treguar shpesh aftësinë e tij për të shënuar gola dhe për të krijuar raste të rrezikshme për ekipin e tij. Përvoja e tij në futbollin shqiptar dhe kosovar e bën atë një lojtar të vlefshëm dhe të respektuar”.
“Nënshkrimi i kësaj kontrate është një hap i rëndësishëm për ‘Lirinë’ , e cila shpreson të përfitojë nga aftësitë dhe përkushtimi i Jasmin Raboshtës për të përmirësuar sulmin dhe për të arritur objektivat e sezonit të ardhshëm”.
