Në ambientet e Radio Tiranës janë mbajtur homazhet në nder të poetit Gjok Beci, i cili u nda nga jeta një ditë më parë në moshën 75 vjeçare. Artistë, këngëtare dhe personalitete të shumta kryen homazhe në shenjë respekti për përfaqësuein e poezisë dhe muzikës shqiptare. Edhe kreu i Bashkisë së Tiranës Lulzim Basha mori pjesë në ceremonialin e mbajtur për poetin e njohur të festivaleve Gjok Beci.
Në karrierën e tij të gjatë prej më shumë se 40 vitesh, Gjok Beci ka krijuar një profil krejt të veçantë poetik e artistik. Një ndër këngët më të veçanta shkruar prej tij është “Rrjedh në këngë e ligjerime”, kënduar nga Vaçe Zela.