Madox dukej një djalë i madh dhe i matur, i veshur me kostum, teksa parakalonte në tapetin e kuq në Hollivud në premierën e filmit “Maleficent”, ku protagoniste është nëna e tij, Angelina Jolie.
Kjo e fundit, në një intervistë për “Entertainment Tonight”, zbuloi një sekret të të birit: “Madox ka një të dashur. Ajo është e mrekullueshme. Por, nuk dua ta vë në siklet djalin tim. Ajo jeton në Angli dhe është shumë tip.”
Çifti i famshëm Pitt-Jolie udhëton shumë për shkak të angazhimeve. Bashkë me ta udhëtojnë edhe fëmijët dhe për këtë arsye kanë disa banesa: një vilë në jug të Francës, një rezidencë në Nju Orlins dhe një pronë private në Los Anxhelos.
Por, pavarësisht udhëtimeve, familja e ndihmon Madox-in të mos qëndrojë shumë kohë larg nga e dashura e tij. “Ne shkojmë gjithmonë për ta takuar. Është me të vërtetë një vajzë shumë e mirë dhe e ëmbël”, tha Jolie.
Aktorja dhe bashkëshorti i saj Brad aktualisht janë duke promovuar filmin e saj më të ri “Maleficent”, një prodhim i “Disney”.