19 C
Prizren
E mërkurë, 17 Shtator, 2025

Juventus-i synon transferimin e Kessie-t për ta zëvendësuar Pogba-n

“La Gazzetta dello Sport” raporton se mesfushori i Barcelonës, Franck Kessie është objektivi kryesor i Juventus-it për të zëvendësuar Paul Pogba-n nëse francezi transferohet në Arabinë Saudite.

Pogba është ende duke punuar për t’u rikthyer në formë pasi luftoi me lëndimet në sezonin 2022-23 dhe bardhezinjtë janë gati ta lënë atë të shkojë në Arabinë Saudite për vetëm 10 milionë euro.

Sipas edicionit të shtypur të së enjtes të “La Gazzetta dello Sport”, trajneri i Juventusit , Massimiliano Allegri, e ka identifikuar mesfushorin e Barçës, Kessie-n, si zëvendësuesin ideal për ish-yllin e Manchester United.

Të tillë si Habib Diarra (Strasburg), Teun Koopmeiners ( Atalanta ) dhe Rodrigo De Paul (Atletico Madrid) janë gjithashtu në agjendën e Juventus-it, por gjigantët e Serisë A së pari do të përpiqen të huazojnë Kessie-n nëse largohet Pogba.

Ndërkombëtari i Bregut të Fildishtë shënoi tre gola në 43 paraqitje konkurruese me Barcelonën sezonin e kaluar dhe tashmë ka luajtur në Serie A me Atalanta-n dhe Milan-in duke shënuar 41 gola në 204 ndeshje në ligën e parë të Italisë.

Më Shumë

Delegacioni nga Luksemburgu vizitoi Spitalin e Përgjithshëm “Prim. Dr. Daut Mustafa” në Prizren

Spitali i Përgjithshëm “Prim. Dr. Daut Mustafa” në Prizren ka mirëpritur një delegacion të lartë nga Luksemburgu, në kuadër të vizitave monitoruese dhe vlerësuese...

Tentativë vjedhjeje në një bankomat në Rahovec, autorët ende ta paidentifikuar

Një tentativë për vjedhjen e një bankomati në fshatin Xërxë të Rahovecit ka ndodhur në orët e para të mëngjesit të ditës së sotme. Sipas...

Lajmet e Fundit