Me përfundimin e sezonit aktual, tani fillojnë të zbulohen edhe uniformat e ekipeve për sezonin e ardhshëm, kjo edhe për faktin se duhet të dalin në treg sa më shpejt, në mënyrë që klubet të kenë mundësi të fitojnë sa më shumë.
Pikërisht mbrëmjen e djeshme është zbuluar edhe bluza e dytë e Juventusit, që skuadra do të mbajë për sezonin tjetër.
“Zonja e Vjetër” e ka ndryshuar përsëri ngjyrën, teksa bluza do të jetë blu e errët.
Gjithashtu ajo që bie në sy është jaka, por edhe mëngët, të cilat në fund shoqërohen edhe me ngjyrat e çrregullta bardhezi.
