Vlatko Ilievski, këngëtari maqedonas i cili më së shumti është i njohur për famën që ka arritur gjatë prezantimit të Maqedonisë në Eurovizion në vitin 2011, është gjetur i vdekur sot në mëngjes.
Policia ka konfirmuar se ai është gjetur në një makinë të tipit Toyota në Bulevardin e tretë të Brigadës, në Shkup.
Ministria e Punëve të Brendshme të Maqedonisë ka bërë të ditur se Prokurori Publik ka kryer një inspektim dhe trupi i Vlatko është dorëzuar më pas për autopsi.
Deri tani shkaku i vdekjes është i panjohur. Vlatko Ilievski ishte 33 vjeç.
Ai prezantoi Maqedoninë në Eurovizion në vitin 2011 me këngën “Rusinka”. / KultPlus.com