16 C
Prizren
E enjte, 3 Korrik, 2025

Kabashi vizitoi “Ekoregjionin” dhe QPS-në në Prizren

LulzimKabashi-ekoregjinoniLulzim Kabashi, kandidati për kryetar të Prizrenit i koalicionit AAK-LDD, ka vizituar sot kompaninë regjionale të mbeturinave “Ekoregjioni”, me ç’rast është pritur nga drejtori i kësaj kompanie publike Nehat Basha, që e njoftoi me sfidat me të cilat po ballafaqohet kompania.

Kabashi premtoi se në të ardhmen, do të ketë koordinim më të ngushtë mes këtij institucioni dhe kuvendit të komunës për evitimin e problemeve të përgjithshme, me të cilat po ballafaqohet ky institucion.

Në vazhdën e takimeve me institucionet shoqërore, Lulzim Kabashi, me bashkëpunëtorët e tij, është takuar sot edhe me zyrtarë të Qendrës Për Punë Sociale në Prizren.

Nuhi Koçinaj, drejtor i QPS në Prizren, e njoftoi Kabashin, me shërbimet të cilat i ofron Qendra Sociale, në mbrojtjen e kategorive të ndryshme duke përfshirë këtu, fëmijët, personat e rritur dhe ata të moshuar.

Ndërkaq, Kabashi u premtoi bashkëpunim më të ngushtë, në koordinimin mes KK dhe QPS por edhe organeve tjera me qëllim të evitimit të të gjitha problemeve evidente, për të mirë të qytetarëve prizrenas./PrizrenPress.com/

Më Shumë

Fillon periudha për ndërrimin e Qendrës së Votimit brenda komunës

Komisioni Qendror i Zgjedhjeve ka njoftuar se më 28 qershor ka filluar periudha për ndërrimin e Qendrës së Votimit brenda komunës për Zgjedhjet Lokale...

Vdes ish-gazetari Mehmet Spahiu, ishte edhe aktivist i LDK-së në Dragash

Ka vdekur ish-gazetari kosovar, Mehmet Spahiu. Ai ishte Asamblist i Kuvendit Komunal të Dragashit nga radhët e LDK-së. Lajmi është bërë i ditur nga një faqe...

Lajmet e Fundit