Në sajë të operacionit të koduar “Kalimi i fundit” është arrestuar një doganier i shpallur në kërkim.
Është ndaluar kështu ditën e djeshme Dardan Elezi, 29 vjeç, banues në Kukës, me detyrë doganier pranë doganës Morinë, pasi Prokuroria e Kukësit në 16 shkurt ka urdhëruar ndalimin e tij për veprën penale “Shpërdorim detyre”.
Ngjarja për të cilën akuzohet Elezi ka ndodhur më datë 17 shkurt, ku u finalizua operacioni i koduar “Kalimi i fundit”, gjatë të cilit u bë ndalimi i gjashtë doganierëve si dhe u shpallën në kërkim tre persona të tjerë.
Doganierët akuzohen se duke qenë në detyrë nuk kanë kryer veprimet doganore ndaj mjetit me targa AA 169 CG, në pronësi të shtetasit N.F., i cili ishte i ngarkuar me një sasi prej 226 bidonë të mbushur me lëng, i dyshuar si ujë për bateri, me peshë totale prej 5650 litër. Ky automjet dyshohet se ka kaluar kontrabandë nëpërmjet doganës së Morinës.