Në mungesë të kushteve të punës, dy kardiokirurgë kanë lënë punën në QKUK, shkruan sot “Koha Ditore”.
Adem Grbolar dhe Raif Çavolli kanë deklaruar se që nga janari nuk kanë dalë në punë, pasi që kanë vlerësuar se kushtet në të cilat punohet rrezikojnë jetën e pacientit.
Stafi jo i kompletuar, mungesa e materialit dhe e setit kardiokirurgjik, sterilizimi i mangët, “organizimi anormal i klinikes”, referimi i pacientëve në klinika private, dhe kushtëzimi nga ana e Ministrisë që të kryhen vetëm një deri në dy operacione në javë, janë disa nga problemet që ata kanë përmendur.
Kanë thënë se kanë kërkuar përmirësim kushtesh, por një gjë e tillë, sipas tyre, nuk është bërë nga menaxhmenti i QKUK-së e as nga Ministria e Shëndetësisë. /Koha Ditore/