Mesfushori legjendar i Manchester United, Roy Keane, do të mbahet mend gjithmonë për karakterin e tij agresiv, si në fushën e lojës, ashtu dhe jashtë saj. Tashmë, Keane është analist në SkySport, ku edhe aty është shumë i suksesshëm.
Një video e vjetër është publikuar nga arkivat e faqes së njohur sportive, B/R Football, ku shihet qartë çfarë karakteri kishte Roy Keane. Në një takim të Champions League mes Interit dhe Manchester United, mesfushori irlandez ishte kapiten i “Djajve të Kuq”.
Ai udhëhoqi ekipin e tij në fushë dhe që në shtrëngimin e duarve para ndeshjes, tregoi qartë se kush ishte! Ronaldo Fenomeni po rregullonte këpucët e tij dhe nuk e kishte mendjen, ndërsa Roy Keane, e injoroi totalisht, duke mos e pritur aspak dhe duke mos i shtrënguar dorën.
Gjë që asnjë futbollist tjetër nuk mund ta bënte, madje shumë të tjerë ziheshin me njëri-tjetrin se kush do i merrte fanellën Fenomenit brazilian. Por jo Roy…
The pre-game handshake waits for no one ?
(via @brfootball) pic.twitter.com/a1fqhazWvq
— Bleacher Report (@BleacherReport) April 21, 2020