21.8 C
Prizren
E martë, 16 Gusht, 2022

Këta janë dy vëllezërit nga Shqipëria që u kapën me 93 kg marihuanë sot në Tupec të Prizrenit

Njësia e Antidrogës në Policinë e Kosovës sot ka zhvilluar një operacion të koduar ‘Dardha’ në fshatin Tupec të komunës së Prizrenit, ku u konfiskuan mbi 93 kilogramë substancë e dyshuar narkotike e llojit marihuanë dhe u arrestuan dy persona, raporton Gazeta Sinjali.

Burimet e Gazetës Sinjali brenda Prokurorisë bëjnë të ditur se personat që u arrestuan pasi u kapën me drogë janë vëllezërit me nënshtetësi të Shqipërisë, A.e M. Ferati.

Sinjali mëson se Policia fillimisht ka arrestuar A. Feratin, të cilin e kapi teksa po udhëtonte me veturën e tij në të cilën e u gjet sasia e drogës që u konfiskua nga Policia.

Në momentin që u ndal nga Policia, Ferati kishte tentuar që të ikë nga aty, por që i njëjti ishte arritur që të arrestohet nga zyrtarët policorë që po merrnin pjesë në operacion.

Po ashtu edhe vëllai i tij, i cili u kap në Vërmicë, u arrestua nga Policia e Kosovës.

Nga i gjithë operacioni, Policia ka gjetur dhe sekuestruar mbi 180 paketime me marihuanëveturat e dy të dyshuarvepeshore, rreth 600 euro para të gatshme dhe afër 7 mijë lekë të Shqipërisë.

Po ashtu me vendim të prokurorit është kryer edhe një bastisje në deponë të cilën dy vëllezërit e kanë në shfrytëzim, ku janë gjetur mallra të ndryshme të cilat dyshohet se janë të kontrabanduara.

Me urdhër të prokurorit, dy vëllezërve u është caktuar masa e ndalimit në kohëzgjatje prej 48 orësh.

Më Shumë

Vetaksident në Gjonaj të Hasit

Një vozitës është vetaksidentuar me veturë në fshatin Gjonaj të Hasit. Vetaksidenti ka ndodhur për shkak pakujdesisë së vozitësit. “Vozitësi mashkull kosovar me veturë nga pa...

Papa Françesku: Lufta e Ukrainës largon vëmendjen nga uria

Papa Françesku ka thënë se lufta në Ukrainë tërhoqi vëmendjen nga problemi i urisë në botë dhe bëri thirrje për ndihmë urgjente ushqimore për...

Lajmet e Fundit