Forumi i Gruas së PDK-së në Prizren, nesër do të organizojë aktivitete të ndryshme. Këto aktivitete organizohen për nder të muajt tetor, që njihet si muaj i luftimit të sëmundjes së kancerit të gjirit.
Sekretarja për informim e degës së Gruas Demokratike të PDK-së në Prizren, Jehona Krasniqi- Morina, bëri të ditur se aktivitetet do të fillojnë në Qendrën Kryesore të Mjekësisë Familjare në Prizren, me ç’rast në kabinetin e mamografisë do të bëhet ekzaminimi i të interesuarave për këtë këtë sëmundje.
“Aktivitetet vazhdojnë në Art Qendër, ku do të mbahen fjalime nga zyrtarë komunal dhe partiak, por do të ketë ligjërata profesionale për rrezikun që paraqet kjo sëmundje, si dhe do të shfaqet një film dokumentar”.
Pjesë e këtyre aktiviteteve do të jetë edhe radiologja, dr. Shpresa Gjoçaj,e cila tha se sëmundja e kancerit të gjirit është sëmundja më e shpeshtë prej sëmundjeve kanceroze te gratë.Ajo thotë se çdo grua është e rrezikuar nga kanceri i gjirit, dhe se këtë sëmundje e bën më të vështirë edhe fakti se ajo paraqitet fshehtas.
Doktoresha Gjoçaj, tha më tej se fatkeqësisht kjo sëmundje sikurse në mbarë globin edhe në vendin tonë është mjaft e pranishme, andaj çdo shenjë që paralajmëron këtë sëmundje të rëndë nuk duhet neglizhuar, theksoi ajo.
Zyrtaret e Gruas Demokratike të PDK-së në Prizren, me këtë rast ftuan të gjitha gratë që të jenë pjesë e këtyre aktiviteteve, si dhe apleuan që femrat mos të neglizhojnë me këtë sëmundje, por të konsultohen me mjekët në parandalimin dhe trajtimin sa më të duhur të kësaj sëmundje…/TV Prizreni/