Shani Berisha
Këtë shkrim po e pagëzoj kështu,jo se kam qëllim për të ironizuar me emrin e kryetarit të komunës së Prizrenit,Ramadan Muja, por,krejt këtë,dëshiroj që ta lidhi me shkeljet e vendimeve të tij,të cilat i ka marrë dhe nënshkruar në vitin 2009,për lirimin e hapësirave komunale,ku ishin të vendosura objekte e përkohshme(kioskat-barakat)me qëllimin më të mirë,krijimin e hapësirave gjelbëruese(ndërtimin e mini-parqeve) ku qytetarët mund të kalonin çaste të këndshme.
Në kohët e fundit,ajo që bie në sy, është rikthimi e kioskave po në ato vende të cilat me vet vendimin e po këtij kryetari u patën larguar para shtatë veteve për qëllimin e lartëcekur.
K i o s k a t e rikthyara:
1.Te mini-parku Jeni Mahall.
2.Te mini-parku përball Gjmnazit Remzi Ademaj.
3.Te vend-parkingu para ekzekutivit komunal.
4.Te parkingut përball Ish-Benafit.
5.Përball njisitit zjarrëfiksëve.
6.Te hyrja e shkollës E.Duraku.
7.Të mini-parku,30 metra nga zyra e kryetarit,etj.
Duke mos patur mundësi tjera të komunikimit,se si ta pyes kryetarin( edhe pse jam kuvendar,por,ka kohë që kryetari nuk merrë pjesë në seancat e kuvendit komunal),atëherë zgjodha këtë formë të komunikimit dhe e pyes?
Z.Kryetar,kioskat në fjalë,të cilat para shtatë viteve me vendimin tuaj u patën larguar nga këto vende,me qëllimin më të mirë,rikthimi tyre po në të njejtat vende u bë me rivendimin tuaj,apo,nga ata siç kanë ditur për të ta punuar në vazhdimësi,partizanët e partisë tuaj?