Komisioni Emergjentë në Prizren, ka shqyrtuar sërish gjendjen aktuale të rrugëve.
Ky komision ka konstatuar se në terë territorin e Komunës lëvizja e qytetarëve është e mirë, “por sigurisht se duhet kujdes i shtuar gjatë ngasjes nga shoferet”.
“Të gjitha rrugët e fshatrave të komunës së Prizrenit janë të kalueshme dhe kanë qasje në rrugët magjistrale”, thuhet në vlerësimin e Komisionit, i cili është formuar nga kryetari Ramadan Muja.
“Në qytet gjendja e rrugëve është e mirë dhe po punohet në vazhdimësi që të lirohen të gjitha segmentet sekondare, që kyçen në rrugët kryesore”.
“Instituti Meteorologjik i Kosovës, ka paralajmëruar reshje të reja gjatë ditëve në vijim ndaj kërkojmë mirëkuptim nga qytetarët për mos hedhjen e borës në rrugë, mos parkimin e automjeteve në trotuare dhe hapësira tjera publike, sepse pengojnë operatorët në kryerjen e punëve të kontraktuara për pastrimin e borës”./PrizrenPress.com/