Komuna e Prizrenit ka fituar Grantin e Performancës Komunale për vitin 2025. Ky grant, i akorduar nga Ministria e Administrimit të Pushtetit Lokal dhe donatorët, është bazuar në performancën e komunës për vitin 2023 dhe arrin në shumën totale prej 2,047,132.85 euro.
Kryetari i Prizrenit, Shaqir Totaj,tha se ky është fryt i një pune ekipore.
“Ky sukses është fryt i një pune ekipore të palodhshme dhe përkushtimit të madh për t’i arritur standardet më të larta të performancës gjatë vitit 2023”, tha Totaj.
Sipas tij, mjetet e fituara do të përdoren për të financuar projekte që ndikojnë drejtpërdrejt në përmirësimin e jetës së qytetarëve të Prizrenit.
“Projektet e planifikuara përfshijnë: Agjenda e gjelbër – energji më efikase dhe qëndrueshmëri mjedisore. Gjithëpërfshirja – projekte që promovojnë barazinë gjinore dhe përfshirjen sociale”.
“Ky është një hap i rëndësishëm që dëshmon përkushtimin tonë për një qeverisje të mirë, transparente dhe të orientuar drejt qytetarit”, theksoi Totaj.
Ai falënderoi ekipin për punën e jashtëzakonshme dhe qytetarët për mbështetjen e vazhdueshme, duke e cilësuar këtë sukses si një arritje për të gjithë./PrizrenPress.com/
Marketing
Përjetoni pushime të paharruar dhe dasma magjike në Hotel “Albes Residence”
