Komuna e Prizrenit ka iniciuar aktivitetin e prokurimit për rehabilitimin e kanalizimit dhe të ujësjellësit në pjesët kryesore të qytetit.
Vlera e parashikuar e mjeteve financiare nga buxheti komunal për këtë kontratë sipas njoftimit është 1.5 milion euro, raporton Telegrafi.
Në njoftimin për kontratë thuhet se projekti për rehabilitimin e kanalizimit dhe të ujësjellësit në pjesët kryesore të qytetit duke përfshirë Shadërvanin, lagjen “Ortakoll”, lagjen “Bajram Curri”, lagjen “Arbanë” dhe pjesët tjera do të jetë tre vjeçar.
Pizzeria “FAMIGLIA 1” në Prizren shpall konkurs për picamenë dhe kamarierë/e
“Do të arrihet një kontratë kornizë ku do të përfshihen intervenimet në rrjetin e kanalizimit dhe të ujësjellësit për një periudhë prej 36 muajve”, thuhet në njoftimin e publikuar nga Sektori i Prokurimit në Komunën e Prizrenit, raporton Telegrafi.
Afati për dorëzimin e ofertave për këtë aktivitet të prokurimit është caktuar data 23 qershor 2025. /Telegrafi/
