Nxënës të shkollave të ndryshme të Prizrenit detyrohen të paguajnë nga 2 – 5 euro për sigurimin fizik të objekteve në të cilat mësojnë, shkruan Koha Ditore.
Përderisa nxënësit dhe një pjesë e prindërve ankohen për këtë praktikë, zyrtarë të Drejtorisë së Arsimit arsyetohen se ky vendim merret nga vetë Këshilli i prindërve, ndërkohë që ndikohet edhe nga buxheti i kufizuar i ndarë për shkollat.
Nxënësja D.K. ka thënë se në shkollën ku ajo ndjek mësimin nxënësve u kërkohen nga 5 euro për sigurimit fizik.
Ndërsa H.R., po ashtu nxënëse e shkollës së mesme, ka pohuar se pothuajse në të gjitha shkollat paguhen nga 2- 3 euro në emër të kontraktimit të kompanive të sigurimit.