16.8 C
Prizren
E premte, 2 Qershor, 2023

Kosovari e godet me sëpatë për vdekje ukrainasen në Berlin, policia gjermane ndërhyn duke vrarë sulmuesin

Një vrasje makabre që ka ndodhur sot në distriktin Friedrichsfelde në Luchtenberg, shokoi opinionin gjerman e në veçanti banorët e Berlinit, raporton “Berliner Zeitung”.

Bëhet fjalë për një 23-vjeçar nga Kosova, i cili goditi për vdekje me sëpatë një grua ukrainase 27-vjeçe, që ishte në apartamentin e saj në rrugën Loëenberger të Berlinit, transmeton Telegrafi.

Me të kuptuar se çfarë kishte ndodhur, policia kishte dalë në vendin e ngjarjes, ku kishte qëlluar për vdekje kosovarin, e viktimës u munduan t’i japin ndihmën e parë, por pa ndonjë sukses.

Ishin fqinjët që kishin dëgjuar britmat e gruas brenda apartamentit. Kështu menjëherë i kishin telefonuar policisë.

Përmes një postimi, policia e Berlinit ka njoftuar në Twitter se ishin alarmuar për rastin rreth orës 7:50 të mëngjesit të sotëm.

Me t’u futur brenda apartamentit të ndërtesës nëntëkatëshe, ata kishin hasur në skena tmerri.

“Një burrë po godiste një grua me sëpatë”, tha zëdhënësi i policisë Stefan Petersen-Schumann, duke shtuar se policët kishin shtënë me armë – duke lënë të vdekur kosovarin që kishte sëpatën në dorë.

Si pasojë e plagëve të shkaktuara gruaja kishte vdekur, e policia federale ka marrë si prova armën e ftohtë.

Më vonë kanë pranuar se viktima ishte një shtetase e Ukrainës, ndërsa sulmuesi një burrë nga Kosova. /Telegrafi/

Më Shumë

Komuna e Prizrenit po bën restaurimin e objektit të vjetër ekzistues të shkollës “26 Marsi” në Landovicë

Komuna e Prizrenit ka njoftuar se krahas investimeve për përmirësimin e infrastrukturës arsimore, po vazhdon ndërtimi i aneksit në objektin e SHFMU “26 Marsi”...

Macron: Javët në vijim do të kemi vendime të qarta për situatën në Kosovë

Presidenti francez Emmanuel Macron tha të enjten se kishte folur me kancelarin gjerman Olaf Scholz dhe se të dy kishin diskutuar dhunën aktuale në...

Mona Liza

Lajmet e Fundit