19.8 C
Prizren
E diel, 26 Maj, 2024

Krasniqi: Alternativa e VV-së ka dalë nga nevojat e qytetarëve

Krasniqi-Bubel-MalisheveKandidati i Lëvizjes Vetëvendosje! për kryetar të Komunës së Malishevës, Alban Krasniqi, i shoqëruar nga kandidatët për Asamblenë Komunale kanë mbajtur një tubim në Bubël ku kanë shpalosur alternativën e Vetëvendosjes për Malishevën.

Krasniqi tha se alternativa qeverisëse e VV-së ka dalë nga nevojat e qytetarëve dhe nga vizitat që kanë bërë në fshatrat e Komunës së Malishevës dhe në fshatin Bubël.

“Ne me aktivistët tanë dhe ekspertet e fushave përkatëse kemi shkruar këtë alternativë që një herë e mirë ta orientojmë Malishevën drejt zhvillimit të qëndrueshëm dhe hapjes së perspektivës për të rinjtë tanë në vendin tonë. Mbrapshtitë e pushteteve të partive deri me tash pa dallim e kanë lënë Malishevën të pa zhvilluar dhe fshatrat të varfëruara e pa perspektivë. Ne me planin tonë për bujqësi, turizëm rural, arsim cilësor dhe në hap me nevojat ekonomike, me shëndetësi të organizuar mirë dhe me politika lokale punësimi e zhvillimi do ti japim Malishevës orientimin drejt një Komune ku qytetaret nuk do të vdesin më nga varfëria e insektet”, tha Krasniqi.

Ai tha se fshati Bubël direkt është prek nga keqqeverisja e këtij pushteti në ikje. “Kanalizimi, rrugët, cilësia e dobët e shërbimeve publike ju ka vështirosu jetën. Për të ndryshuar këtë gjendje me 3 nëntor e keni një shancë, këtë shancë duhet shfrytëzuar në mënyrë masive që ti tregohet pushtetit dhe jo vetëm këtij pushteti se nëse e injoron qytetarin dhe e varfëron e shkatërron vendin tonë, qytetari do të ndëshkoj me votë”, tha Krasniqi.

Sipas tij, Lëvizja Vetëvendosje! do të mbroj votën dhe do të mundësoj ndryshimin duke e ndal keqqeverisjen e pushtetit në ikje dhe duke e zëvendësuar me një qeverisje të drejtë, pa korrupsion, për mirëqenie të qytetarëve dhe për zhvillim të Malishevës në të gjitha fushat e jetës, duke ja kthyer qytetarit dinjitetin dhe respektin. /PrizrenPress.com/

Më Shumë

Agron Llakaj humb bashkëshorten, fjalët e ndjera të aktorit: Sëmundja e pabesë na e mbylli perden e jetës!

Aktori i njohur i humorit, Agron Llakaj ka humbur bashkëshorten e tij, Konstandinën, si pasojë e një sëmundje. Përmes një mesazhi në rrjetet sociale,...

Hapet në Has rruga që lidh Kosovën me Shqipërinë

Kryeministri i Shqipërisë, Edi Rama, ka njoftuar se është hapur rruga që lidh Kosovën me Shqipërinë, në rajonin e Hasit. Rama ka publikuar fotografitë e...

Lajmet e Fundit