Kandidati i LDK-së për kryetar të Prizrenit, Eqrem Kryeziu ka intensifikuar fshatën zgjedhore. Ai është takuar me elektoratin e lagjes “Gani Çavdarbasha”, “Kurillë”, “Arbanë” dhe fshatin Velezhë dhe Korishë.
Kryeziu tha se në Kosovë është një korrupsioni madh. “Sipas anketave shumë të besueshme mbi 90 për qind e qytetarëve thonë se korrupsioni është i madh. Shpresa e vetme është LDK-ja”, tha Kryeziu.
Ai është shprehur i kënaqur me numrin e prezencës së qytetarëve në tubimet e LDK-së. “Prania e juaj është një dëshmi jashtëzakonisht e vlefshme se LDK-ja është gjallë dhe do të jetë gjithmonë gjallë dhe e fortë”.
Ai tha se qytetarët e Prizrenit janë lodhur nga qeverisja e keqe. “Prizreni dhe prizrenasit janë lodhur nga qeverisja e keqe që po e degradon qytetin tonë, që po e degradon qytetarin e Prizrenit, prandaj me tre nëntor me votë qytetari i Prizrenit do të dënojë këtë keqqeverisje”.
“LDK-ja është simbol i një rezistence gati të pamundshme dhe për një çerekshekulli ngadhënjeu sepse e kishte besimin e anëtarësisë dhe të drejtën e Zotit”. /PrizrenPress.com/