Shkruan: Shani Berisha.
E kaluara historike e popullit Shqiptar në për shekuj, ishte e mbushur për plotë me ngjarje e përpjekje të vazhdueshme të gjeneratave të për liri e pavarësi. Personalisht jam njëri nga ata i gjeneratës sw këthesava të mëdha të popullit tonë , e njohur në histori si gjeneratë e Demonstratave Studentore të vitit 1981.
Jo se para këtij viti nuk ka pasu përpjekje të popullit tonë për liri e pavarësi. Por viti 1981 padyshim që në historinë e popullit Shqiptar të Kosovës ( e më gjërë) do mbetet si vit i kthesave dhe orientimeve pozitive këmbëngulës për çlirimin e Kosovës.
Si pjesëmarrës aktiv i këtyre demonstratave dhe, njëkohësisht edhe si anëtar i organizatës ilegale politike të asaj kohe, në tetor të viti 1981 burgosem dhe, pas një procesi gjyqësor dënohem me tre vite burg .
Pas plotëfuqizimit të aktgjykimit të shkallës së parë nga gjykata e shkallës s’dytë( e KSAK) si shumica e të dënuarve transferohem në burgjet e ndryshme të ish- Jugosllavisë. Rruga e transferues sime nga burgu i Prizrenit e deri në burgun famëkeq të Gospiqit në Kroaci, aq sa ishte e gjatë aq ishte edhe e mundimshme. Pas qëndrimit tetë mujor në këtw burg transferimin e dytë do do ta kem në vjeshtën e viti 1982,dhe atë duke më dërguar në burgun tjetër shumë ma famëkeq të asaj kohe ‘Staragradishka. Këtu, pos që do takojë bacën Adem e shumë të burgosur tjerë politik të rinisë Kosovare, do takohem dhe do shoqërohem në veçanti me Xhavit Halitin.Në ditët e para Xhaviti në stilin e vet çfarë e ka edhe sot, i heshtur fjalë pak,me sjellje shumë të kujdesshme dhe i kulturor me shok.
Xhavit Haliti,siç e quajn politikani fjalë pak, e takova dhe e njoha për herë të parë në burgun e Staragradishkës në vitin 1982.
Pas daljes sime nga burgu në tetor të 1984, kuptova se për një kohë Xhaviti ishte strehuar në një pikë të ilegales në Prizren në lagjen e nënkalas.
Vitet pas 1985 Xhavitin e gjejnë si emigrant politik në shtetin e Zvicrës,ku roli i tij në këtë kohë në unifikimin e organizimin faktorit politik shqiptar do të jetë shumë domethënës.
Personalisht në përmjet njerëzve të besueshëm të kohës,komunikimi dhe vazhdimi bashkëpunuesi i imi me Xhavitin ishte si ecje e bashkëpunimit politik ilegal për lirinë e atdheut në mes njerzve të lidhur nga besimi i krijuar në ditët ma të vështira të jetës.
Në vitet 1986/87 Xhaviti do jetë njëri nga anëtarët më me ndikim në kuadër të LPRK-së, organizatë që në vitet e ardhshme do jetë themeluese e Ushtrisë Çlirimtare të Kosovës. Në qytetin e Prizrenit pos disa shokëve tjerë isha njëri nga ata që mbaja kontakte të karakterit politik me Xhavitin tani më me pseudonimin “Zeka”.
Vitet e pas 1990, personalisht për shkak të përndjekjes politike do më gjejnë në shtetin e Zvicrës,kontaktet e mija me Xhavitin më do jenë të rregullta dhe me qëndrime konkrete.
Në vitet 1996/97 tani më me instruksionet e Zekës ,edhe në Komunën e Prizrenit u themeluan celulat e para e UÇK-së.
Kontributi përkrahës i këtij personaliteti në formimin, zhvillimin dhe ,shtrirjen e UÇK-së për Komunën e Prizrenit edhe në vitet 1998/99 ishte e do mbetet i madh.
Vitet e pas luftës na gjetën së bashku me ni subjekt politik PDK-në.Atëhere ishte bindja ime se, e tëra ajo që kishte ndodhur në të kaluarën në kuptimin e bashkëpunimit e besimit politik, nuk kishte pse mos të vazhdohej edhe në kohë paqe. Atëherë kam besuar dhe nuk kish dyshime , se me ata të cilët u njoha dhe bashkëpunova në momentet më të rënda të jetës sime ,duhej që edhe ma tutje të vazhdohet me betejat ardhshme politike për atë për të cilën shumë qka kishna dhëna nga vetvetja.
Sot më në organizimin politik nuk jemi bashk.
Sot e shumë vite të kaluara më as kafe nuk kemi pirë bashkë.
Sot e shumë vite, me shpirt e zemër i thyer jam, për mënyrën se si është duke u ngritur shteti ynë, i krijuar si rezultat e përpjekjeve e sakrificave të shumë djemëve e vajzave të Kosovës..
Sot e shumë vite të kaluara , shohë dhe përjetoj në përditshmëri ,veprimin e disave që pa mëshirshëm shkelin dhe baltosin mbi të kaluarën dhe të ardhëmen tonë .—-Përkundër kësaj.
Sot vazhdoj të kam konsideratë të paluhatshme për të kaluarën e angazhimin politik e diplomatike të ktij personaliteti për lirinë e atdheut,që pa dyshim mund të konsiderohet si ambasador i parë që krijoji ura bashkëpunimi me diplomacinë ndërkombëtare për qështjen e Kosovës.
Sot, edhe në të ardhmen, teorive monstruoze e të paqëndrueshme, të ngritura për këtë njeri nga ata që kur sja dashtën të mirën atdheut nuk u besojë, sepse e njohë nga e kaluara.
Sot unë, njeri nga ata që s,bashku si me shumë të tjerë dhe me këtë personalitet( siq e quajn politikan që edhe kur të heshtë thotë diqka) ,kam kaluar ditët ma të rënda por edhe krenare të jetës sime , do dëshiroja që të mbetet ai qysh e njoha në për vite e dekada .
Sot unë, dua të besojë se një ditë ky njeri do të fletë,sepse nuk mund të heshtë në pa kufi.
Sot unë, besojë se ky njeri duhet të fletë, sepse ka qka për të thënëSot e në të ardhmen, dua të besojë në të vërtetën, se ata që po poshtërojnë e po shkelin mbi mundin e të tjerëve në emër të një fitore politike , do ta kenë një fund, e fundi i tyre do jetë i dhimbshëm e tragjik.
O zot, pak mëshirë për këta keqbërës e keqpërdorues të fitores e të lirisë së atdheut tonë.!!!
.