Kryeministri Albin Kurti ka shkruar lidhur me pjesëmarrjen e tij në konferencën dhe takimin e liderëve të organizuar nga Partia Socialiste Evropiane (PES) në Bukuresht.
Kurti ka thënë se ishte kënaqësi të merrte pjesë në konferencën me temën “Ne qëndrojmë së bashku – për Evropën tonë!”.
“Kosova është një përkrahëse e vendosur e të drejtave demokratike të bazuara në mirëqenien e të gjithëve dhe është e lumtur të punojë me demokracitë e tjera evropiane mbi vlerat e përbashkëta”, ka shkruar Kurti në platformën X.
Në fotot e publikuara shihet edhe takimi i Kurtit me kryeministrin e Rumanisë, Marcel Ciolacu, vendi i të cilit ende nuk e njeh pavarësinë e Kosovës.
Kryeministri udhëtoi dje për në Rumani, teksa kjo konferencë është mbajtur në kuadër të përgatitjeve për zgjedhjet evropiane në qershor të këtij viti.
