Kryeministri i Kosovës, Albin Kurti, duke folur për veteranët e luftës në Kosovë, ka thënë se nuk mund të jenë më shumë se 20 mijë veteranë të Luftës Çlirimtare të Kosovës.
“Nuk ka teori të jenë mbi 20 mijë veteranë të luftës, mund të kenë qenë pjesëmarrës në luftë. Pjesëmarrës ndoshta janë 60 mijë, ndoshta janë edhe më shumë se 60 mijë, por veteranë nuk mund të jenë 60 mijë”, ka thënë Kurti, për RTK.
Kryeministri Kurti ka thënë “Unë e di që njerëzit kanë nevojë për para, por një numër i madh i veteranëve kanë nevojë për vend pune, sepse janë të rinj”, tha Kurti.