3.8 C
Prizren
E shtunë, 26 Nëntor, 2022

Kurti: Qytetarët na besuan neve që ta bëjmë ndryshimin, ky vit ishte i kthesës drejt zhvillimit

Qytetarët na kanë besuar neve që ta bëjëmë ndryshimin. Ky vit ishte vit i kthesës drejt zhvillimit.

Kështu ka thënë kryeministri i vendit, Albin Kurti, në mbledhjen e qeverisë, ku 365 ditët e para të qeverisjes, ai i ka cilësuar si ditë të vitit të zhvillimit ekonomik dhe të investimeve.

“Përafërsisht në këtë orë, para një viti më 22 mars 2021, ne morëm detyrën e re. Qytetarët në vitin e kaluar, votuan për riorientimin demokratik dhe evropian të shoqërisë sonë. Votuan për luftën ndaj korrupsionit institucional dhe financiar; për kthimin e virtyteve në institucione që shpërndajnë barazi e drejtësi; votuan për kthimin e aftësisë në borde që administrojnë burimet ekonomike dhe njerëzore”, tha Kurti, njofton Klankosova.tv.

“Vota e qytetarëve të Republikës aneambanë vendin tonë, u bë edhe votë në kuvendin e Republikës për qeverinë tonë e të tyre. Këtë e kemi bërë ne në një vit të punës ku gjatë këtyre 365 ditëve kishim gjithsej 67 mbledhje të qeverisë, e ku morëm 581 vendime që sot i tejkalojmë 600 sosh. Proceduam 128 projektligje ku sot i kalojmë edhe 130, më shumë sesa çdo qeveri tjetër paraprake, në vitin e parë të saj”.

Asociation “Loyola–Gymnasium” shpall konkurs për regjistrimin e nxënësve për vitin shkollor 2022- 2023

Tutje Kurti tha se viti i parë i qeverisjes së tij është përshkruar me navigim në kriza botërore, duke përmendur pandeminë e COVID-19.

“Përgjatë një viti kemi naviguar nëpër kriza botërore, të cilat kanë testuar jo vetëm aftësinë tonë qeverisëse, por edhe qëndrueshmërinë tonë shoqërore. Së bashku kemi menaxhuar pandeminë COVID-19 me masa të cilat kanë ruajtur edhe shëndetin publik të qytetarëve, edhe shëndetin e ekonomisë tonë publike e private. Duke e shënuar numrin më të ulët të vdekjeve në rajon e shkallën më të lartë të vaksinimit në rajon, pasi kemi përmbushur zotimin duke vaksinuar mbi 60 % të popullsisnë dhe sot kemi hapur ekonomimë”.

Kurti theksoi se krahas pandemisë, krizë ka qenë edhe kriza energjetike që ende s’ka kaluar.

“Së bashku i kemi marrë masat emergjente duke subvencionuar koston shtesë në mënyrë që kriza të mos i rëndojë ata që fitojnë më së paku. S’ka dyshim që problemet që i kemi trashëguar janë të mëdha, e sfidat që i kemi përpara janë edhe më të mëdha. Por, qytetarët na kanë besuar neve që ta bëjmë ndryshimin. Ky vit ishte vit i kthesës drejt zhvillimit”, tha ai.

Kurti theksoi se gjatë këtij viti pati edhe reforma në drejtësi.

“Janë miratuar një sërë ligjesh e dokumentesh që hedhin bazën për luftimin e krimit dhe korrupsionit dhe kthimin e integritetit në institucionet e drejtësisë”, tha ai.

Më Shumë

Modriqi i palodhshëm, i gatshëm për Kupën e fundit të Botës

Luka Modriq do të ketë një kampanjë të fundit në Kupën e Botës në tentim për ta dërguar Kroacinë te titulli i madh. Mesfushori 37-vjeçar...

Këto pesë shenja të Horoskopit presin ndryshime drastike në jetë

Yjet kanë treguar se viti i ardhshëm do të jetë veçanërisht emocionues dhe i paparashikueshëm për këto shenja të mëposhtme. Nëse iu përkisni këtyre...

Lajmet e Fundit