Tre ditë pas zbulimit në Skrapar të një laboratori droge, një tjetër laborator është zbuluar në zonën e Shkozës. Burimet thonë për Lapsi.al se ambienti ishte përshtatur me llampa të veçanta për kultivimin e kanabisit. Mësohet gjithashtu se policia ka ndaluar disa persona. Si laborator për kultivimin e drogës ishte përshtatur një fabrikë përpunimi plastike.
Sipas njoftimit të policisë, këto ambjente ishin në pronësi të shtetasit Hazbi Pardhokut. Ky aktivitet i kundraligjshëm kamuflohej si aktivitet i prodhimi të plastikës.
Sipas njoftimi thuhet se është sekuestruar një sasi e konsiderueshme kubikësh dhe lënde e dyshuar narkotike, por nuk është peshuar ende prandaj nuk bëhet me dije sasia.
Burime të Lapsi.al thonë se deri më tani janë shoqëruar rreth 10 persona si të dyshuar që kanë lidhje me këtë aktivitet kriminal, ndërsa vijojnë veprimet proceduriale.
Ky është laboratori i dytë i drogës që zbulohet brenda kësaj jave. Pak ditë më parë në Përmet u zbulua një sasi prej 12 ton kanabis e fshehur në një magazinë. Problemi i kanabisit ka marrë përmasa të frikshme në vend, duke vërtetuar kështu akuzat që po i bëhet qeverisë nga opozita dhe mediat. Për të luftuar këtë fenomen, në strategjinë e re të qeverisë është parashikuar edhe ndërhyrja e ushtrisë. /LAPSI.AL/