Një rast i rëndë ka ndodhur të premten rreth orës 16:00 në Landovicë të Prizrenit.
Një qytetar ka raportuar në Polici se vajza e tij ishte lënduar pas të shtënave me armë zjarri nga persona që kishin dalë në gjueti.
Vajzës i është ofruar tretman mjekësor.
Njësitë relevante policore kanë dalë në vendin e ngjarjes dhe kanë sekuestruar një pushkë gjuetie dhe një fishek.
Gjithashtu edhe personi i dyshuar është shoqëruar në stacionin policor dhe intervistuar.
Në lidhje me rastin është konsultuar prokurori i shtetit i cili rekomandon që pas intervistimit i dyshuari të lirohet dhe rasti të procedohet në procedurë të rregullt.