Gati të gjithë nxënësit e Kosovës shkojnë t’i shohin bukuritë e Prizrenit në ekskursionet shkollore. Por, disa nxënës të Vushtrrisë nuk panë dhe përjetuan vetëm gjëra të mira.
Disa gjysmëmaturantë të shkollës “Anton Zako Çajupi” pretendojnë se gjatë vizitës në Prizren, të hënën, u rrahën nga stafi i një marketi.
Ata thonë se kjo ndodhi kur u ndalën të blejnë pije derisa në shkollë deklaruan se nuk u kursyen as mësimdhënësit.
Se në vendin e ngjarjes u ekspozua një armë e konfirmuan edhe në Policinë e Prizrenit. Pronari i dyqanit, që foli për Klan Kosovën me kushte anonimiteti, mohoi se dikush në lokalin e tij ushtroi dhunë ndaj mysafirëve.
Kronikë e zgjeruar nga Rina Mujku.