Në Komunën e Rahovecit dje është regjistruar edhe një rast i ri me coronavirus.
Kryetari Smajl Latifi, thotë për RTV Dukagjinin se personi në fjalë është një qytetarë që ka transportuar vjehrrën e vet në repartin e dializës në Prizren.
Ai thotë se vjehrra e pacientit të ri të infektuar ka qenë e prekur me COVID-19, përcjell Telegrafi.
“Të gjithë familjarët e tjerë kanë rezultuar negativ, por këtij personi që ka pasur kontakt me vjehrrën e prekur nga COVID-19”.
Latifi thotë se kontaktet tjera në Rahovec janë testuar por tash ka mundësi që të del ndonjë kontakt i rastit të fundit.
I pari i Rahovecit thotë se në Rahovec janë 22 raste aktive me coronavirus ndërsa dy të tjerë janë shëruar.
“Besoj se jemi duke shkuar nga fundi dhe qytetarët e Rahovecit i kanë respektuar mirë masat”, tha ndër të tjera Smajl Latifi./Telegrafi/