Kryetari i Rahovecit, Smajl Latifi ka thënë se Lufta e UÇK-së ishte e pastër e drejtë dhe e domosdoshme në mënyre që populli kosovar t’i mbijetojë pushtuesit serb.
“Lufta e UÇK-së ishte luftë e pastër, e drejtë dhe e domosdoshme që populli shqiptar i Kosovës t’i mbijetojë pushtuesit serb, i cili masakronte shqiptarët veç pse ishin shqiptarë! Vazhdoj të besoj se Gjykata Speciale, si e tillë, që trajton vetëm një anë të luftës, dhe për më tepër anën e viktimës, është e padrejtë, e poashtu jam i bindur në pafajësinë e udhëheqëseve të kësaj lufte çlirimtare”, ka shkruar Latifi.
Me rastin e përcjelljes së Ismet Tarës nga kjo komunë për në Hagë, Latifi thotë se ka besim të plotë që Tara, ashtu si bashkëluftetarët e tjerë do të vërtetojë e dëshmojë pastërtine e luftës së UCK-së, transmeton Indeksonline.
“Sot, bashkëluftëtari ynë i respektuar Ismet Tara, i njohur për përkushtimin në angazhimet e tij, niset për në Hagë. Kam besim të plotë se Ismet Tara, ashtu si bashkëluftëtarët e tjerë, do të vërtetojë e dëshmojë për pastërtinë dhe drejtësinë e luftës së UÇK-së”, ka shkruar mes të tjerash ai.
Shumë qytetarë sot u mblodhën në Rahovec për të përshendetur Ismet Taren i cili sot niset për në Hagë.
Tara tha se ndihet krenar që atje po shkon të mbrojë luftën e pastër të UCK-së e gjakun e dëshmorëvë që ranë për lirinë e vendit.
Ftesa nga Specialja atij i erdhi me 20 dhjetor të vitit të kaluar./Indeksonline/