Dega e LDK-së në Suharekë përmes një reagimi publik ka akuzuar kryetarin e Komunës, Bali Muharremaj, për shtrirjen e ndikimit politik në arsim.
Madje, ky subjekt opozitar ka shprehur qëndrimin se me këto politika të kryetarit, DA-ja dhe disa shkolla të Komunës së Suharekës po dërgohen drejt dështimit, shkruan sot Koha Ditore.
Por këto pretendime të LDK-së janë hedhur poshtë nga kryetari Muharremaj, i cili ka pohuar se do ta zbatojë zotimin e tij paraelektoral për depolitizimin e arsimit në nivel komunal dhe se në këtë drejtim do të veprojë vetëm në përputhje me legjislacionin në fuqi.