Shefi i Grupit Parlamentar nga radhët e LDK-së, Ismet Beqiri ka deklaruar se nuk është e nevojshme që të zhvillohet debat më për ish-ministrin për Kthim dhe Komunitete, Aleksandër Jabllanoviq.
Ai gjatë fjalës së tij, ka thënë se partia e tij nuk do t’i dëgjoj partitë opozitare deri sa flasin për një ish-ministër.
“Vërtetë nuk ka qenë qëllimi ajo që po proklamohet po dëshmohet edhe tash. Jabllanoviq është shkarkuar, çka është kjo lojë politike. Ju bëni debat njëri me tjetrit, ne nuk e kemi ndërmend tw ju dëgjojmë sepse kryeministri Mustafa e ka shkarkuar Jabllanoviqin.
Ju bëni debat me veten se ne nuk kemi arsye të ju dëgjojmë juve. Thirreni kryeministrin për çështje tjera, por për ish-ministrin (Jabllanoviq) ne nuk kemi nevojë me bë debat dhe s’do të jemi në debat”, ka deklaruar ai.
Ndërsa nga ana tjetër, nënkryetari i Kuvendit, Xhavit Haliti ka deklaruar se nuk mund të ndalohet kjo interpelancën.
“Unë nuk mund ta ndaloj interpelancë pasi që me rregullore janë plotësuar kushtet. Sidoqoftë unë kërkoj mirëkuptim që të marrin një pauzë për një orë e gjysmë dhe në qoftë se kryeministri është i gatshëm të vij, seanca fillon në ora 14:30”, ka thënë ai. /Zëri/